Тæбæхсæуты Балойы номыл ирон академион театры постановкæ «Чысыл принц» фæндаг ссардта Мæскуыйы аивадуарзджыты зæрдæтæм. Ирыстойнаг коллективы спектаклæй сæхгæдтой сывæллæтты 9-æм Стыр фестиваль Мæскуыйы. Йæ разамонæг у Уæрæсейы адæмон артист Сергей Безруков. Дзæуджыхъæуккаг постановкæ хаст æрцыд театралон программæйы хыгъдмæ. Уæвгæ та дзы уыд 41 спектакль. Равзæрстой сæ Уæрæсейы алы регионты 500 курдиаты хсæн. Постановкæйыл бакуыстой преми "Сызгъæрин маскæ"-йы лауреаттæ - режиссерттæ Антон Калипанов æмæ Ольга Шайдуллина, стæй нывгæнæг-æвæрæг Надежда Скоморохова.