Адæмты хæлардзинады хæдзары уыди Цæгат Ирыстоны æмæ Донецкы Адæмон Республикæйы минæвæртты фембæлд. Мадзал арæзт уыди Хетæгкаты Къостайы сфæлдыстады кадæн иумæйаг проектимæ баст. Дзæуджыхъæуы ацыд театралон фестиваль "Три столицы"-йы кæронбæттæн хай. Раздæр ацыдис Сухум æмæ Цхинвалы. Проект æххæстгонд æрцыд культурон хъæппæристы президентон фонды гранты руаджы. Республикæйы сывæллæтты сфæлдыстады хæдзары арæзт æрцыди ирон зарæггæнджыты 17-æм республикон конкурс "Ацæмæзы уадындз". Архайдтой дзы 30 æвзонг вокалисты Цæгат Ирыстоны алы районтæй.