Цæгат Ирыстоны цæрæг сывæллæттимæ бинонтæн чи æххуыс кæны, уыцы куыстуæтты хицæутты кæндзысты хорзæхджын. Уый тыххæй уынаффæ рахастой республикæйы хицауады æмбырды. Ивддзинæдтæ бахастой регионалон программæмæ. Баст у гуырынад фылдæр кæнынимæ. Бæстон ныхас цыд, бинонты хæстæ кæуыл ис, æмæ уыимæ йæ куыстадон репутаци бæрзонд кæмæн у, ахæм кусджыты разамонджытæн æххуыс кæныныл. Стыр æргом аздæхтой инвестицион хъомыс фылдæр кæнынмæ дæр. Хицауады сæрдар Дзанайты Барис куыд загъта, афтæмæй Цæгат Ирыстоны царды уадзынц раззагдæр проекттæ. Рæзы туристон сектор. Уымæй дарддæр сфидар кодтой, адæмæн социалон лæггæдтæ чи кæны, æмæ цалцæггæнинаг чи у, уыцы куыстуæтты хыгъд. Бындурон цалцæг дзы цæудзæн 2027-2030-æм азты. Хицауады уæнгтæ ма æркастысты æндæр ахсджиаг фарстатæм. Сæ иу - баст уыд хъæууон хæдзарады рæзтимæ. Уыцы нысантæн ацы аз радих кодтой 1 миллиард сомы.