Адæмты иудзинады бон сбæрæг кодтой Æрыдоны дæр. Уыди дзы национ культурæты фестиваль "Иу бинонтæ". Ацы мадзалæй Æрыдоны районы кадджын уавæры фæци Уæрæсейы адæмты хæлардзинады афæдз. Арфæйы ныхæстæ районы цæрджытæн загъта Æрыдоны муниципалон сконды сæргълæууæг Илаты Марат. Саламты Къолайы номыл Æрыдоны районы культурæйы Галуаны равдыстой республикæйы цæрджыты адæмыхæттыты культурæ æмæ традицитæ. Галуаны цур фæзы равæрдтой тематикон равдыст. Уымæй уæлдай дзы ацаходæн бар уыди национ хойрæгтæй. Æрыдоны центрон библиотекæйы кусджытæ бацæттæ кодтой чингуыты равдыст. Сабитæн - ирхæфсæн мадзæлттæ - хъазæн фæзтæ аниматортимæ. Мадзалмæ се вæрæн бахастой фæсивæдон организаци "Æвзонг æфсæддонтæ". Кæронтæттæны та - бæрæгбоны концерт.